रत्नैः कल्पितमासनं हिमजलैः स्नानं च दिव्याम्बरं नानारत्नविभूषितं मृगमदामोदाङ्कितं चन्दनम्। जातीचम्पकबिल्वपत्ररचितं पुष्पं च धूपं तथा दीपं देव दयानिधे पशुपते हृत्कल्पितं गृह्यताम्॥

Ratnaih kalpitam-asanam hima-jalaih snanam cha divyambaram Nana-ratna-vibhushitam mrigamadamodankitam chandanam, Jati-champaka-bilva-patra-rachitam pushpam cha dhupam tatha Dipam deva dayanidhe Pashupate hrit-kalpitam grihyatam.

A throne fashioned of jewels, a bath of cool water, divine garments, ornaments of many gems, sandal paste fragrant with musk, flowers of jasmine and champaka with bilva leaves, incense and a lamp: O God, treasure of compassion, Lord of all creatures, accept these, which I have imagined in my heart.

सौवर्णे नवरत्नखण्डरचिते पात्रे घृतं पायसं भक्ष्यं पञ्चविधं पयोदधियुतं रम्भाफलं पानकम्। शाकानामयुतं जलं रुचिकरं कर्पूरखण्डोज्ज्वलं ताम्बूलं मनसा मया विरचितं भक्त्या प्रभो स्वीकुरु॥

Sauvarne navaratna-khanda-rachite patre ghritam payasam Bhakshyam panchavidham payo-dadhi-yutam rambha-phalam panakam, Shakanam-ayutam jalam ruchikaram karpura-khandojjvalam Tambulam manasa maya virachitam bhaktya prabho svikuru.

In a golden vessel set with the nine gems: ghee and sweet rice, five kinds of food with milk and curd, bananas and a sweet drink, countless vegetables, refreshing water, and betel brightened with camphor. Lord, I have prepared all this in my mind with devotion; please accept it.

छत्रं चामरयोर्युगं व्यजनकं चादर्शकं निर्मलं वीणाभेरिमृदङ्गकाहलकला गीतं च नृत्यं तथा। साष्टाङ्गं प्रणतिः स्तुतिर्बहुविधा ह्येतत्समस्तं मया सङ्कल्पेन समर्पितं तव विभो पूजां गृहाण प्रभो॥

Chhatram chamarayor-yugam vyajanakam chadarshakam nirmalam Vina-bheri-mridanga-kahala-kala gitam cha nrityam tatha, Sashtangam pranatih stutir-bahuvidha hyetat-samastam maya Sankalpena samarpitam tava vibho pujam grihana prabho.

A royal umbrella, a pair of whisks, a fan and a spotless mirror; the music of veena, kettledrum, mridanga and horn, song and dance; full prostration and praises of many kinds: all this I offer you by the power of my resolve, all-pervading one. Lord, accept my worship.

आत्मा त्वं गिरिजा मतिः सहचराः प्राणाः शरीरं गृहं पूजा ते विषयोपभोगरचना निद्रा समाधिस्थितिः। सञ्चारः पदयोः प्रदक्षिणविधिः स्तोत्राणि सर्वा गिरो यद्यत्कर्म करोमि तत्तदखिलं शम्भो तवाराधनम्॥

Atma tvam Girija matih sahacharah pranah shariram griham Puja te vishayopabhoga-rachana nidra samadhi-sthitih, Sancharah padayoh pradakshina-vidhih stotrani sarva giro Yad-yat-karma karomi tat-tad-akhilam Shambho tavaradhanam.

You are my Self, Girija is my intellect, my breaths are your attendants and my body your temple. My enjoyment of the senses is your worship, my sleep the state of samadhi; my walking is a circumambulation around you and all my words are hymns to you. Whatever I do, Shambhu, all of it is your worship.

करचरणकृतं वाक्कायजं कर्मजं वा श्रवणनयनजं वा मानसं वापराधम्। विहितमविहितं वा सर्वमेतत्क्षमस्व जय जय करुणाब्धे श्रीमहादेव शम्भो॥

Kara-charana-kritam vak-kayajam karmajam va Shravana-nayanajam va manasam vaparadham, Vihitam-avihitam va sarvam-etat-kshamasva Jaya jaya karunabdhe Shri Mahadeva Shambho.

Whatever wrong I have done with hands or feet, with speech or body, through my actions, through ears or eyes, or in my mind, in doing what was enjoined or what was forbidden: forgive it all. Victory, victory to you, ocean of compassion, Shri Mahadeva, Shambhu.