वसुदेवसुतं देवं कंसचाणूरमर्दनम्। देवकीपरमानन्दं कृष्णं वन्दे जगद्गुरुम्॥

Vasudeva-sutam devam Kamsa-Chanura-mardanam, Devaki-paramanandam Krishnam vande jagadgurum.

I salute Krishna, guru of the world: the divine son of Vasudeva, slayer of Kamsa and Chanura, the supreme joy of Devaki.

अतसीपुष्पसङ्काशं हारनूपुरशोभितम्। रत्नकङ्कणकेयूरं कृष्णं वन्दे जगद्गुरुम्॥

Atasi-pushpa-sankasham hara-noopura-shobhitam, Ratna-kankana-keyuram Krishnam vande jagadgurum.

Dark-blue as the atasi flower, adorned with necklace and anklets, with jewelled bracelets and armlets: I salute Krishna, guru of the world.

कुटिलालकसंयुक्तं पूर्णचन्द्रनिभाननम्। विलसत्कुण्डलधरं कृष्णं वन्दे जगद्गुरुम्॥

Kutilalaka-samyuktam poorna-chandra-nibhananam, Vilasat-kundala-dharam Krishnam vande jagadgurum.

With curling locks, a face like the full moon and shining earrings: I salute Krishna, guru of the world.

मन्दारगन्धसंयुक्तं चारुहासं चतुर्भुजम्। बर्हिपिञ्छावचूडाङ्गं कृष्णं वन्दे जगद्गुरुम्॥

Mandara-gandha-samyuktam charu-hasam chaturbhujam, Barhi-pinchhava-choodangam Krishnam vande jagadgurum.

Fragrant with mandara flowers, with a lovely smile and four arms, a peacock feather in his hair: I salute Krishna, guru of the world.

उत्फुल्लपद्मपत्राक्षं नीलजीमूतसन्निभम्। यादवानां शिरोरत्नं कृष्णं वन्दे जगद्गुरुम्॥

Utphulla-padma-patraksham neela-jeemoota-sannibham, Yadavanam shiro-ratnam Krishnam vande jagadgurum.

With eyes like the petals of a full-blown lotus, dark as a rain cloud, the crown jewel of the Yadavas: I salute Krishna, guru of the world.

रुक्मिणीकेलिसंयुक्तं पीताम्बरसुशोभितम्। अवाप्ततुलसीगन्धं कृष्णं वन्दे जगद्गुरुम्॥

Rukmini-keli-samyuktam peetambara-sushobhitam, Avapta-tulasi-gandham Krishnam vande jagadgurum.

Playing with Rukmini, beautiful in yellow silk, fragrant with tulsi: I salute Krishna, guru of the world.

गोपिकानां कुचद्वन्द्वकुङ्कुमाङ्कितवक्षसम्। श्रीनिकेतं महेष्वासं कृष्णं वन्दे जगद्गुरुम्॥

Gopikanam kucha-dvandva-kunkumankita-vakshasam, Shri-niketam maheshvasam Krishnam vande jagadgurum.

Whose chest bears the kumkum of the gopis' embrace, the abode of Lakshmi, the mighty archer: I salute Krishna, guru of the world.

श्रीवत्साङ्कं महोरस्कं वनमालाविराजितम्। शङ्खचक्रधरं देवं कृष्णं वन्दे जगद्गुरुम्॥

Shrivatsankam mahoraskam vanamala-virajitam, Shankha-chakra-dharam devam Krishnam vande jagadgurum.

Marked with the Shrivatsa on his broad chest, resplendent with the forest garland, the god who holds the conch and discus: I salute Krishna, guru of the world.

कृष्णाष्टकमिदं पुण्यं प्रातरुत्थाय यः पठेत्। कोटिजन्मकृतं पापं स्मरणेन विनश्यति॥

Krishnashtakam-idam punyam pratar-utthaya yah pathet, Koti-janma-kritam papam smaranena vinashyati.

Whoever rises in the morning and recites this holy Krishnashtakam is freed, by its remembrance alone, from the sins of ten million lives.